أفضل أماكن الفسح في محافظة الاسكندرية
تعتبر الاسكندرية مدينة الجمال وراحة البال مهما كثرت المصايف وتنوعت في مصر بتفضل اسكندرية برضه لها طابع خاص، حبينا نقدم دليل لسكان وزوار اسكندرية فيه اهم اماكن الخروج والفسح في اسكندرية.
أماكن فسح في اسكندرية 2020
قلعة قايتباي:
من الاماكن الجميلة للخروج في الاسكندرية لأنها بتجمع بين الجانب التاريخي وبين وجودها على البحر في منطقة شعبية في اسكندرية وبالقرب كمان من وسط البلد يعني يوم الخروج للقلعة ممكن تكون هناك انشطة كتير زي التمشية في وسط البلاد وزيارة القلعة وكمان الاستمتاع بجمال البحر والكورنيش، القلعة موجودة في اقصى غرب الاسكندرية والدخول للقلعة نفسها بتذكرة (سعرها 5 جنية) ومواعيد الدخول من 9 الصبح الى 5 المغرب، لكن محيط القلعة مفتوح طول ال 24 ساعة.
محطة الرمل
حدائق المنتزة:
وعلى الجانب الاخر من المدينة في اقصى الشرق حنلاقي حدائق قصر المنتزة، والدخول بتذكرة قيمتها في حدود 25 جنية، حدائق المنتزة عبارة عن جناين واسعة جدا على مساحات شاسعة وفي مجموعة كبيرة من المطاعم والكافيهات، اما الانشطة اللي ممكن نعملها في المنتزة فهي متنوعة زي ركوب العجل والالعاب الجماعية وغيرها من الانشطة اللي ممكن نمارسها في اماكن مفتوحة دا غير الشواطئ الممتازة داخل المنتزه وال فيه منها العام والخاص ؛ واكيد لازم تاخد صور تذكاريه على كوبري المنتزه الاحمر اللي بيوصل لمرسى اليخوت العالمي.
 |
| bridge_الكوبري الاحمر الاسكندريه |
المعمورة:
المعمورة بالقرب جدا من جناين المنتزة، والدخول برضه بتذكرة بسعر رمزي، هي فيها مطاعم وكافيهات كتير غير انها بتطل على شاطيء البحر وفيها اماكن مخصوصة لركوب العجل والبيتش باجي والعاب الاطفال المختلفة والملاهي الكبيرة المميزه للكبار والاطفال ومنظر الجناين والمباني فيه متعه لا توصف.
 |
| المعموره الاسكندرية |
أماكن السهر في الإسكندرية
 |
| san stefano alexandria |
سان ستيفانو:
من اكبر المولات في وسط اسكندرية، وفيه كمان سينما كبيرة فيها اكتر من 10 صالات عرض ومحلات كتير متنوعة ما بين مطاعم وكافيهات ومحلات ملابس وفوود كورت كبيرة، ويعتبر سان ستيفانو اشهر اماكن الخروج في اسكندرية عشان موقعة المميز والمنظر العام للمبنى ؛ دا غير فندق الفور سيزون العالمي والموجود في نفس المبنى ؛ وكذلك جولدز جيم ايلت والموجود في نفس المبنى ودا فيه صاله حديد وجيمنزيم وتدليك ومساج وساونا وجاكوزي.
اتفسح فين في اسكندرية
 |
| مكتبة الاسكندريه |
حدائق انطونيادس:
 |
| انطونيادس الاسكندريه |
تقع في منطقة سموحة بالقرب من حديقة الحيوان، وحدائق انطونيادس هي حدائق تاريخية ترجع لعصر البطالمة وبعد كده شهدت تطوير كتير من عصر محمد علي والخديو اسماعيل وكان فيها قصر بناه محمد علي وكان بيستخدم لاستضافة الزوار الرسميين زي رؤساؤء وملوك الدولة التانية، وحاليا حدائق انطونيادس تعتبر من اجمل الحدائق في اسكندرية وفيها اماكن خضراء شاسعة وتماثيل اثريه من الرخام وفيها حديقة كبيرة اسمها حديقة الورد فيها زهور نادرة ونافورة جميلة جدا.
أماكن للخروج في الاسكندرية 2020
 |
| كوبري ستانلي |
قرية الاسد في انطونيادس:
الفرع التاني من حديقة الاسد الموجودة على طريقي اسكندرية القاهرة الصحراوي، وهي عبارة عن حديقة حيوان خاصة وفيها مطعم بيقدم اكل شرقي واكل شعبي زي الفطير المشلتت الفلاحي اللي بيتخبز امام الزوار والعسل والجبنة القديمة او غيرها من الاكلات زي لحم النعام او المشويات او حتى المشروبات، وقرية الاسد فيها مجموعة كبيرة جدا من الحيوانات المفترسة او المستأنسة ومجموعة من الطيور والاسماك، وكمان فيها عروض للسيرك.
أماكن الخروج في الإسكندرية ليلا
 |
| فندق فلسطين الاسكندرية |
سيتي سنتر و داون تاون:
على اول الطريق الصحراوي في اسكندرية، وهما من اكبر المولات واماكن الخروج في اسكندرية على جانبي الطريق الصحراوي، سيتي سنتر بيضم كارفور وسلاسل المحلات العالمية والمشهورة للملابس وغيرها اما داون تاون فهو على الناحية التانية من الطريق وفيه واحد من اكبر فروع فتح الله ماركت وقرية بلبع للمشويات، ومطاعم ومحلات مختلفة وعدد كبير جدا من المطاعم.
اماكن خروج للاطفال في الاسكندرية 2020
جرين بلازا:
عبارة عن مول في مكان مفتوح، دخول المكان للسيارة له رسوم لكن الدخول على الاقدام مجانا، وهي مساحة كبيرة جدا مفتوحة فيها محلات تجارية وكافيهات ومطاعم متنوعة ومتعددة ما بين الشرقي والغربي، وفي اماكن ركوب عجل وعربيات الاطفال، ده غير ملاهي الاطفال (كرامنتس) ولها رسوم دخول خاصة بيها وفيها العاب كتير جدا، وفي كمان سينما فيها 8 صالات عرض.
أماكن للخروج في الإسكندرية 2020
 |
| كافيهات الاسكندريه |
رحلة يخت:
ومن اجمل الرحلات والفسح في اسكندرية هي رحلة اليخت وبتبدأ من منطقة الانفوشي في غرب اسكندرية بالقرب من قلعة قايتباي، وبيختلف سعر الرحلة على حسب اليخت وعدد الافراد، وبعد انتهاء الرحلة ممكن الفسحة تتكمل بأكل سمك في واحد من المطاعم المشهورة في منطقة الانفوشي زي عروس البحر وقدورة وابو اشرف ودنجل وكلها مطاعم مشهورة في اسكندرية.
ده طبعا غير المشي على الكورنيش بطول اسكندرية كلها وشارع خالد ابن الوليد في سيدي بشر او التمشية في المنشية ومحطة الرمل في الناحية التانية من البلد، وطبعا الشواطيء المختلفة واجملها البراديز إن او فينيسيا في المنتزة وغيرها من الشواطيء الخاصة او العامة.
فسح في اسكندرية؛ اماكن رائعه للخروج
أفضل أماكن الفسح في محافظة الاسكندرية تعتبر الاسكندرية مدينة الجمال وراحة البال مهما كثرت المصايف وتنوعت في مصر بتفضل اسكندرية برضه ...
0 تعليقاتكم:
إرسال تعليق